 |
Questa pagina è ancora da trascrivere o è incompleta. | |
| ⭑[ 24 ]⭑ |
Similitudena
SONETT
Quand el loff el se cascia in d’on pollée,
S’ciavo gall, e gainn, cappon, polin,
El fà el dianzen cont’i pèe dedrèe,
E no’l lassa nagott per el stuin.
Milan Milan dà on pòo on oggiada indrée
Ai temp della Badia di Meneghin,
E dimm, quand mai s’è vist sto bulardée
De scavion, de sciabbel, de assassin?
Ah! che el pollèe l’è avert de tucc’i part,
E ohimè, che i loff gh’hin denter’a monton,
E vàn sugand el sangu’ al terz, e al quart!
L’è vera che el Resgiò tutt’in d’on bott
El pò vegni de bass col s’cioppetton,
El pò fai frecc.... ma intant chi è sott’è sott.
