 |
Questa pagina è ancora da trascrivere o è incompleta. | |
| ⭑[ 22 ]⭑ |
- Sul bell’auguri de moda
- Salut, e Fratellanza}}
SONETT
Me cunten che a Milan no gh’è mai stàa,
A memoria di vicc, tanta abbondanza
De scanscett, de braghèe, de tuce’i màa
De portà attorna, o de curass in stanza;
Senti peu de maross, che in mezz’ai stràa,
Ai bætter e in di cà de vesinanza,
Camarada e fradii ciocc, e rabbiàa,
Se dàn legnad de can senza creanza.
Adess capissi, perchè l’è de moda·
Quel compliment: Fratellanza, e salut,
Che da per tutt se pratega, e se loda.
E verament el se pò fà a tutt past,
Dove on temp no’l se usava che ai starnut:
Perchè inchou tutt dò i coss han ciappàa el guast.
