 |
Questa pagina è ancora da trascrivere o è incompleta. | |
| ⭑[ 21 ]⭑ |
La Baretta de Giacobin
SONETT
Ah! perchè giura brio! nò sont Poetta,
E no gh’hòo al coll che on stras’c d’on ghittarin
Per fa vedè che’l pover Meneghin
Nol se lassa stremì da ona baretta!
Oh che bùlia nò menen sti schumetta,
Per quel cianfer esos de barettin,
Che l’è stimàa el trofeo di Giacobin.1
Ma el vedi in còo fina ai fioeu in braghetta.
Alto là, fèe del ruzz finch’avii fiàa
Con quel vost paraboll ross, e morell:
Sbraggiè: Mort ai Tiranni, e Libertàa!
Tocchée là de quel trott: ma pèu sappièe,
Che tornarà la moda del cappell,
E’l barettin ve’l casciarii dedrèe.
