 |
Questa pagina è ancora da trascrivere o è incompleta. | |
| ⭑[ 20 ]⭑ |
La Coccarda
SONETT
Trj bindii de color tuce defferent,
Vun bianch, vun cremesì, l’olter morell
Da formann ’ ona galla de mett dent,
E de tegniss in l’asa del cappell,
Questa l’è la coccarda, e l’ornament
Di ver Repubblican, come dis quell,
E per cognoss, e per destingu la gent,
Han de portalla tucc, pæna el castell.
Cento milla coccard, domà in Milan,
M’insegna l’abachin, se no foo error,
Ch’han de damm oltertant Republican.
Et ecco a on tratt... o el gran miracolon!
Per vertù d’on gallin de trj color,
Infranzesàa cent milla Buseccon.
