Milanès leggii i mèe rimm
Tal qual hin, e vedarii,
E dirii vù per i primm,
Che n’hin minga frùt stantii;
Semm staa in mar, semm dàa in la stria:
Vui cuntall’a chissessia.
Repassand in la memoria
I maras’c, ch’emm avùu addoss,
E a stò fin n’hòo scritt l’istoria,
El vantagg gh’è dè maross,
Che andaremm pù reguardàa
Per no perd la sanitàa.
E vui di: staremm’in riga
Vivaremm de bon Cristian,
Perchè Dio no’l ne castiga,
Come fà el Patron col can
Quand el voeur minga ubbedì,
E el le batt cont’el staffì.
