 |
Questa pagina è ancora da trascrivere o è incompleta. | |
| ⭑[ XIV ]⭑ |
Besognava che i Monsù
Scavalcassen i montagn,
E ne trassen col cùu in sù,
%E ne fassen millia dagn,
Per capi come Milan
L’eva on temp, e l’è in bonn man.
Adess si, che sbraggien tucc
Asca quatter strapelàa
Giacobitt, che mangen gucc,
Sevem sciavv, e semm tornàa,
Per miracquel del SIGNOR,
Sott’al nost’IMPERATOR.
Sevem strimed, instecchii,
Bastonàa dalla canaja,
Caregàa de impost, fallii,
E dormivem sulla paja;
E mò in scambi... Ah! Meneghin,
Te gh’èe el sol sul baltreschin!
