 |
Questa pagina è ancora da trascrivere o è incompleta. | |
| ⭑[ XIII ]⭑ |
On mercant, che sia stàa via
De Paes per parice ’ agu,
Se viaggiand l’è dàa in la stria,
O sul mar l’è andàa giò a bagn,
No gh’a’l gust dopò a descrivv
I sò guai per dì: semm vivv?.
On Pittor per fà on retratt
L’ha besogn de paricc tint:
Verd, turchinn, gialdett, scarlatt,
Bei color... ma senza el quint,
Vui di el negher, i picciur
Saran senza el ciar e scur.
No gh’è al mond nagott de bell,
Che no gh’abbia el contrappost:
Quel l’è on sant, quest l’è on monell,
Mi gh’hòo el fùm, vù gh’avii el rost:
Ma al contrast: ma al parangon.
El resalta el bell’, el bon.
