 |
Questa pagina è ancora da trascrivere o è incompleta. | |
| ⭑[ XII ]⭑ |
Me dirii: mò semm Todisch,
E sto matt de Meneghin
No’l så scrivv, che de confisch
De rapinn, de resentin,
D’on governa porch, e infàm,
Che’l n’ha fàa morì de fam.
Sciuri si ma a sti lament
Ghe respond el frontespizi,
Che’l desciara l’argument
Del librett cont el so indizi
Tond, e largh, ciar, e destes:
Meneghin sott ai Franzes.
Se el SIGNOR per soa bontàa
L’ha dàa lù foeugh alla mina
In d’on bott, e l’ha mandàa
In fregui la Cilappina,
Podaremm desmentegà
Tanci piagh, ch’emm avùu in cà?
