 |
Questa pagina è ancora da trascrivere o è incompleta. | |
| ⭑[ XI ]⭑ |
Ma el Proemi, el và innanz tropp,
Meneghin seccaperdée:
Alto donca: streng su i gropp
Pianta li spoeura, e terée!
E con quest te, o too... ma nò;
Vui seccavv per on pòo anmò.
E l’è on scruper tutt’a on bott,
Che me salta in del mazzucch
Sul soggett di mèe strambott;
Che ne sont pèu minga on gnucch
De vorè, per fàa me moeud,
Che tucc’beven del me broeud.
Me dirii, che sto librett
El ven voltra, e avii reson,
Come on pomm, ch’ha del marscett
Per nò vess pù de stagion,
Come on fior, che ha pers i foeuj,
E mincion chi el le regoeuj.
