 |
Questa pagina è ancora da trascrivere o è incompleta. | |
| ⭑[ X ]⭑ |
Quel però, che pù me pias
Che me fa pussèe legria
L’è el vedè che tucc’squas squas
Van’a mucc’in sacrestia:
Sant’Ambroeus, San Cels, el Domm...
Da per tutt gh’è Te-Deomm.
Che guston no l’è stàa quell
Per nun tucc’, per i nost donn
Quand s’è vist... Oh bell, oh bell!
El miràcquel di Madonn!
E in d’on bott, se i mur hin bianch
Salten foeura impunemanch.
El pareva, stòo per dì,
Che la Vergina MARIA
La tornass’a compari,
Per fann fed; che a quell’arpia
Ch’era chi per nost mal cost,
La gh’ha rott lée istessa i crost.
