 |
Questa pagina è ancora da trascrivere o è incompleta. | |
| ⭑[ IX ]⭑ |
La battallia de Cassan,
La vittoria de Verdee
Hin dùu fatt, dove la man
Gh’hà mettuu DOMENEDÉE
E in sostanza hin quj dùu fatt
Che fruttenn’el nost rescatt.
Ma fioeuj no vỏo innanz pù,
E besogna fà bott li,
Che no tocca a on turlurù
A tratta st’argument chì;
Nè mi pensi de mett man
In la fatta di Savan.
On deluvi de canzon,
De sonitt, de madrigal
Pioeuvv già mò in tucc’i canton
Per lodà i nost General,
Per fà pláves al valor
Di Todisch, di Agrimensor.
