 |
Questa pagina è stata trascritta, formattata e riletta. | |
| - 110 - |
voi, no son pù degn d’esser ciamà vos fiol, tolemme tra la vossa zent. E subito el s’è levà ’n pè e via, versso casa. El quando l’era ancor lontan, so pare el lo vede, el ghe fa peccà, el ghe corre ’ncontra, el se ghe tra al coll, e ’l lo basa; e ’l fiol ’ntant el ghe diseva: Papà, mi ho offendù Dio e anca voi, zammai no son pù degn d’esser ciamà vos fiol; ma ’l pare l’ha dit ai servi: Presti, quà el pù bell’abit, che gaven, e vestillo; mettèghe l’anel en tel dè, e calze, e scarpe ai pèi; e po ne’1 a torr ’n vedél engrassà e mazzallo, che volem far past e star allegri; perchè s’è trovà sto me fiol vif e san, che sel credeva pers e mort. E pò i ha prinzipià a magnar allegrament.
So fiol pù veccio entant l’era ’n campagna, e quando ’n tel tornar e avvicinarse a casa, l’ha sentì i suoni e i canti, l’ha ciamà ’n servitor, e ’l gha domandà, cosa ’l fusse. È vegnù vos fradel, el dis, e vos pare perché l’è tornà san, l’ha fatt mazzar ’n vedèl grass e ordinà de star allegri.
Allora el s’è ’nrabbia, e nol voleva nar en casa; sicchè è vegnù for so pare, e l’ha cominzià a pregarlo; ma el g’ha rispost: Ecco, papà, mi ve servo da tanti anni, e no v’ho mai disobbedì, e pur non m’avè mai dat n’anca ’n caorèt da goder coi me amizi; e appena è vegnù sto vos fiol, che l’ha lavà zo tut la so part colle donne de mondo, ghe mazza ’n vedel engrassà, e fè tante feste. Ma, caro fiol, el dis so pare, ti te sei sempre con mi, e tut quel che è me, l’è anca to; diaol! te vedi ben, che bisognava far ’n disnar e star allegri; perchè s’ha trova vif e san sto to fradel, che sel credeva pers e mort. Che ten par? vei drent, vei.
- ↑ Ne’, nà, nar, andate, andato, andare, si deriva dal verbo volgare, nare; forse storpiatura di andare.
