 |
Questa pagina è stata trascritta e formattata, ma deve essere riletta. | |
| CAPO XIX. | 69 |
29 E ol sò compagn inzenöciat zo ai sò pe, al la sconzüraa, disendoghe: Abie compasiù de mé, e mé t' pagarò fina in d’ü quatri.
30 Ma colü no l’à ölit saighen: e l’è’ndac a fal casà in prezù, fina che no ’l l’és pagat.
31 Ma i oter servitur, ch’i à ést sto laur, a i ghe n’à it ü gran dispiaser: e i ga spiferat al padrù töt quel, che l’era egnit föra.
32 Inalura ol padrù al l’à ciamat: e’l gh’à dec: Balòs d’ü servitur, mé a t’ò dunat töt quel debet, perchè a te m ’sé recomandat a mé:
33 E doca no dosiet a ’ té iga compasiù d’ü tò compagn, come mé a go it compasiù de té?
34 Ol padrù rabius al l’à dac in mà ai segondì, fin’a tat che no l’és pagat töt ol sò debet.
35 E in de l’istesa manera al farà con voter ol mé Pader del siel, se de cör ognü no ’l perdunarà al sò fradel.
Capo XIX.
INIT che l’ia Gesü de fà sti discors, a l’è partit da la Galilea, e l’è ’ndac vers i confi de la Giüdea de sa del Giordà.
