Pagina:Pasino Locatelli - Il Vangelo di S. Matteo volgarizzato in dialetto bergamasco.djvu/69

CAPO XVI.

59

i à scarpac sö, e al ghi à dac ai sò disepoi, e ques’ce a i à dac al popol.

³⁷ Töc a i à majat, e i s’è scödic la fam. E i à impienit sö di morsei vanzac sét sporte.

³⁸ Costur, ch’ia majat, a i era quater mela persune, sensa i s’cec, e i fomne.

³⁹ E mandat per i fac sò la zet, a l’è saltat in d’öna barca: e l’è ’ndac in di dinturegn de Magedan.

Capo XVI.

E

I Farisei, e i Saducei a i gh'è egnic apröf per tental: e i l’à pregat de faga ved quach prodigio del siel.

² Ma lü al gh’à respondit a lur, e’l gh’à dec: A la sira voter disì: Al farà bel tep, perchè ol siel l’è ros.

³ E a la matina: Incö al farà temporal, perchè in aria al gh’è di niolù nigher e ros.

⁴ Doca oter sì bu de distingui la cera del siel: e no rié miga sö a cognos i segnai di tep? Rasa infame e adultera la sirca ü prodigio: nè’l ghe sarà consedit oter, che quel de Giona profeta. E piantac costur, a l’è ’ndac vea.

⁵ Ades mo i sò disepoi quanda i ’ndaa per treersà ol lag, i s’era dösmentegac de to dol pa.

⁶ E Gesü al gh’à dec: Tegni vert i öc, e fidef miga dol leat di Farisei e di Saducei.