 |
Questa pagina è stata trascritta e formattata, ma deve essere riletta. | |
| 36 | S. MATE |
Capo XI.
ESÜ, finit de insegnà sti laur ai so dudes disepoi,a l’è ’ndac vea de quel sito lé per indà a insegnà a predicà in di sò sità de lur.
2 Ma Gioan, che in prezù a l’ia sentit quel, che l’ia fac Gesü Crest, al mandé du di sò disepoi
3 A diga: Sét té quel, ch’à de egni, o bisogna spetan ön oter?
4 E Gesü al respondia a lur: Indè, e cöntega a Gioan quel, ch’ì vest, e sentit.
5 I orb i ghe ed, i sop i camina, i lebrus i è netac zo, i surc i ghe set, i morc i resüsita, e ai poerec a s’ghe spiega ol vanzele:
6 E beat colü, che nol töirà miga rezù de scandol de mé.
7 Ma quanda colur a i fü partic, Gesü al comensé a parlà al popol de Gioan: Cosa sif indac a ed voter in dol desert? öna cana sbatida dal vent?
8 Ma doca, cosa sif andac a ed? ön om vestit de moscardì? Colur, che se vestes de moscardi i sta in doi palas di re.
9 Ma doca, cosa sif indac a ed? ü profeta? Sé, vel dighe mé, vergot de piö d’ü profeta.
