 |
Questa pagina è stata trascritta e formattata, ma deve essere riletta. | |
34 Ma i Farisei i disia: Lü al manda vea i diaoi col ajöt del prensep di diaoi.
35 E Gesü l’andaa girando per töte i sità, e i castei, l’insegnaa in di sò sinagoghe, e ’l predicaa ol vanzele del regno, e ’l guaria töte i debolese e töte i malatee.
36 E al vedì quela zet, al gh’à it compasiù: perchè a l’era mal guidada, ei era là come pegore bötade zo sensa pastur.
37 Inalura al gh’à dec ai so disepoi: La seganda a l’è propre buna, ma i operare i è poch.
38 Preghè doca ol padrù dol cap, che ’l mande föra laurec per la sò seganda.
Capo X.
CIAMAC visì i dudes sò disepoi, al gh’à dac de pödì sura i sperec de l’inferen, perchè i a scases vea, e de guari töte i infermità, e töte i malatee.
2 I nom po di dudes Apostoi i è ques’ce: Ol pröm, Simù dec Piero, e Andrea sò fradel,
3 Jacom fiöl de Zebedé, e Gioan sò fradel, Felep, e Bortolomé, Tomas, e Maté ol püblicà, Jacom fiöl de Alfé, e Tadé,
