Pagina:Pasino Locatelli - Il Vangelo di S. Matteo volgarizzato in dialetto bergamasco.djvu/17

CAPO III.

7

Capo III.

I

N de sto tep al vegné ol Gioan Batesta a predicà in dol desert de la Giüdea.

² Al disia: Fè penitensa: perchè ol regno di siei a l’è visì.

³ Perchè costü a l’è l’om, che ’l n’à parlat Isaea profeta, che’l disia: La us de colü, che ’l vusa nel desert: Prepare la strada del Signur: spianè i sò senter.

⁴ Doca ol medem Gioan al ghia öna ésta de pél de camel, e ona sentüra de cüram a la eta: e’l sò past i era sajoc, e mel saadech.

⁵ In alura al coria a lü Gerüsalem, e tota la Giüdea, e töt ol pais d’inturen al Giordà;

⁶ Ei era batezac da lü nel Giordà, e i confesaa i sò pecac.

⁷ Ma quanda lü al vedia tace Farisei, e Saducei, che i vegnia al sò batesem, al gh’à dec: Fiöi de vipere,chi v’à insegnat a scapà dal’ira, che à de egn?

⁸ Fè doca fröc degn de penitensa.

⁹ E no stè miga a dì in voter stes:Am ga Abram per pader. Perchè mé v' dighe, che’l Siur al pöl da ste prede fà egn föra di fiöi de Abram.