Pagina:Pasino Locatelli - Il Vangelo di S. Matteo volgarizzato in dialetto bergamasco.djvu/106

⁴⁸ Ma se quel catif servitur al dirà in del sò cör: Ol mé padrù a l’istanta a egnì:

⁴⁹ E’l scomensarà a picà i sò compagn servitur, e a mangià e a bif insema ai’mbriagù:

⁵⁰ Al vegnirà ol padrù de sto servitur ol dé, chemanch al se ’l speta, e ’n de l’ura, che manch al se ’l pensa:

⁵¹ E al la casarà d’öna banda, e al la metirà coi ʼmpostur. Là al ghe sarà de löcià, e de strenz i déc.

Capo XXV.

I

NALURA ol regno di siei al sarà compagn a des pöte: che ia tölt sö i sò lampede, e i era indace incutra al spus e a la spusa.

² Ma sich de costure a i era fatöe, e sich prödente.

³ I sich fatöe, ch’ia tölt sö i sò lampede, no ia portat po miga dré ol öle:

⁴ I prödente invece a i ia tölt sö insema ai lampede de l’öle in di sò bose.

⁵ E tardando a egn ol spus, al gh’è egnit sogn, e töte a i s’è indormentade.