Pagina:Pallioppi - Poesias, vol. III.djvu/52


48

La mort da Cristo.

Gesu moura, la speda trapassa,
O anguoscha! il cour da Maria,
Aungels cridan d' immensa fadia,
Grigna snöss la plebaglia da s-chiv.
5 Scruosch' ün tun spaventus e sconquassa
Tschêl, infiern, cha la spelma as fenda
E — sortieu dalla fossa — riprenda
L' orrid spettro il crimen del viv.

Gesu vaindscha, la vela as sdrama,
10 O delizia! e rumpa la streda
Traunter Dieu e scodüna raspeda
D' ormas pias, chi braman salüd.
Na be Zion, ma Cristo reclama
Tuots crettaivels da tuotta la terra,
15 Chi desdrüan il pcho nella guerra,
Sper sieu cour da celesta virtüd.