Pagina:Pallioppi - Poesias, vol. III.djvu/50


46

La nascita da Cristo.

(Suainter Zappi.)

Nel bass ovigl in misera chamanna
Observ' ün dutsch infaunt be hoz naschieu,
Chi ho in fraid presepen aggradieu
Sieu prüm e dür lettin da pagl' e channa.

5 E sper medem cu plaundscha, cu s' affanna
La chera mamma, per avair dovieu
Plajer in vila fasch' il figl da Dieu,
Quel corono da glüsch, chi brich ingianna!

Quel Tuotpossaunt, chi regn' in tschêl e terra
10 Chi tun' e fulminescha nel orizi,
Pero nel cour la charited rinserra!

Da quaist ümlin, chi auncha nun discuorra,
Imprenda, vaun, cun seruis pentizi:
„Per esser grand superbia nun occuorra!“