Pagina:Pallioppi - Poesias, vol. III.djvu/29

25

<poem> Glorificher, passo l' inviern da naira E fraida not, il cler e la chalur 15 Del aster maestus damaun e saira?

Glorificher l' offert, al Creatur, Porteda sur ovels in aria püra Cun füm dargient e flaromas nel azzur?

Chi nun dovess loder in te, natüra, II diadem da spelra e glatsch orrend Intuorn, intuorn chavorgias e planüra?

Glorificher il strepitus torrent, Il sagl da sia s-chimusa cataratta E larch in tschêl süsur uschè stupend?

Glorificher il god, cbi ogni schlatta Containt’e viva d’utschellins rinserra, La quela be al psalm da Dieu s’adatta?

Eau he psalmodio la mamma terra: In temp da pêsch refugi d' ammalos E port neutrel da prus in temp da guerra;