Splerins allò plaschair sussuran
Cun ela d' or al cher infaunt,
15 E pêsch al daun utschels, chi dmuran
Sül ram, con lur amabel chaunt.
Il bsögn amar nun ho evdaunza,
Ne sieu crider in quel üertin,
Chi spordsch' a tuots in abundaunza
20 Dasper la flur il früt perfin.
Allò nun ais dantigl ne straglia,
Inua l' ingian chaser nun po;
L' aviölin nemain aguaglia.
Ne four' alchün röser allò.
25 Calumnia brich e neir invilgia,
Ne ödi ne persecuziun
Chat eau nel üert, inua la gilgia
Florescha be all' iniun;
Inua ün mer da glüsch, adüna
30 Armonius, am serra aint:
La vit' in Dieu, chi do fortüna,
Il viver prus del innozaint.
