 |
Questa pagina è stata trascritta, formattata e riletta. | |
| e del territorio di trento | 129 |
Ferdinando Rege Romanorum in Pannonia contra Turcas Tribunicia potestate strenue functus est: bis deinde apud Belgas contra Regem Gallorum Tribuni Germanorum Militum supremum munus fortiter gessit: item contra eumdem Regem in Subalpinis datis, asceptisque virtute bellica crebris vulneribus, novissime eadem præditus potestate contra eos Germanos, qui a Cæsare defecerant, facinoribus editis maximis vix ostensus terris acerbo funere ereptus est. Obijt Ulmæ die XII. Feb. MDLVII. annus natus quinque et viginti, inde cura suorum in Patriam delatus magno omnium mæaerore, et lacrimis hic positus est.»
H
Impositum quum te pheretro miserande Madruti
Cerneret illacrymans Cæsar, circumque videret
Et spolia, et victis erepta ex Hostibus arma,
Et modo victrices juxta mærere phalanges,
Quantum (inquit) tua mors nostris inimica triumphis
Letitiæ, decorisque adimit, spes quanta futuri
Tecum Aliprende cadit! sed non tua vivida virtus,
Ut te huc aspicerem, tua non promiserat ætas,
Sed fore, qui Solimis mecum, atque Oriente subacto
Barbaricis Regum spolijs, et mille tropheis
Olim magna tui decorares Templa Tridenti.
Invidis mors tanta tibi. Vos nobile corpus
Ferte Ducis vestri juvenes, et reddite Matri
Exanimi, sed et hæc miseræ solatia ferte,
Se tantum peperisse virum, qui Cæsaris usque
Et Comes, et bene gestarum pars maxima rerum
Cæsaris ex animo nullo delebitur ævo.
