 |
Questa pagina è stata trascritta ma deve essere formattata o controllata. | |
ave cossì parlao, incontenente ello odì cantá lo gallo , e lo Segnó se revozè e goardàge per lo vizo, e incontenente san Pero s'arecordà de le parolle che ge avea dicto messé Ihu. Xe. a la sena, che "avanti che lo gallo cante tre' fiá tu me negere'". E eciamdee o se arecordà como ello avea promisso a lo Segnó de non abandonallo mai, e lantor messé san Pero se partì e insì fora de la caza e se ze a mete in una fossa lì rente e incomensà a pianze fortementi lo so peccao, si che de li avanti o non stè mai sensa lagrime, per che o covegne che ello portasse contuniamenti quarche sudario per sugásse lo vizo.
R stagando lo nostro Segnor in lo tromento che v'o dicto de sorva in caza de Caiffas, e soa Maire lo andava sercando per la terra chi de lo so Figo ge savesse dí nova, e como ella se aprosimà a la caza de Caiffas e ella ascotà e odì li remoí e le voxe de li Zué. Alaora la Dona piamà la Madalena e ge disse: "Figora, sa tosto che e me crao che lo to maistro sea in questo logo". Acostànse le done a lo paraxo per aschotá, e elle si odivam tropo bem como li Zué lo iastemavam, e le menasse che elli ge favam, e li corpi che elli ge davam, e ella lantora incomensà a criá a la porta e a pichá asochè ge fosse averto, ma, per lo pianto, la soa voxe era si deber e si rocha che ella non poiva esse bem odía. Bem era vegnua veritai la parolla de Ieromia proffeta, chi disse: "Pianzando ella a pianto in la note, e le soe lagrime e le soe masele non g'è chi ge dage consolaciom de tuti li soi crij". E cossì fo conpio in ello so che Davit proffeta disse e anchora de ella chi disse: "E o [...] pianzando e criando forte che la mea voxe e faita rocha".
Or, peccao, pensa in pocho in che giza stava la Dona de fora de lo paraxo, e odiva le cuze che favam incontra de lo so Figor e li corpi che ello sostegniva, e si non odiva nissum chi lo schuzase ni chi lo defendesse, ma a l'odiva voxe chi dixeivam: "Moira, moira questo marvaxe peccao!" Or qua è quella maire chi non dega avei conpaciom de la Maire de lo Segnor e de tanta curdelitae como fo faita a lo so Figor sensa corpa ni pechao. Queste dolente maire stem tuta quella note ascotando la pena che portava lo so Figor.
Uando la nocte fo conpia e che se fava jorno, echa vegní lo grande remó a caza de Caiffas, che Pillato mandava a prende messé Ihu. Xe. Noi demo savei che a li Zué non era licito devei amassá nissuna persona, ma quando elli trovavam quarchum chi fosse degno de morte, si lo davam in le main de Pilato, lo qua rezeiva la segnoria e era como zuxe de maroficio, e a ello se apertegniva dá morte a quelli chi favam overe de morte, e questo fava in persona de Tiberio Sezaro inperao de Roma, chi segnorezava tuta la Iudea, e persò, quando Caiffas ave messé Ihu. Xe. in bairia la note, como e v'o dicto, si lo mandam a fá a savei a Pilato como e aveam preizo um homo chi era degno de morte, e Pillato aspeità fin a lo iorno, e poa o fe armá li soi cavaré e serventi, e si li mandà a caza de Caiffas, unde messé Ihu. Xe. era preizo, e questa iente vegnem con grande remó e voxe de tronbe e de corni.
Or quando elli fon justrai a caza de Caiffas, si ge fon averte le porte, e intràm tuti dentro, e la Dona, chi era de fora, vosse andá dentro a trová lo so Figor, ma ella non avea posansa ni vertue de andá in caza per la grande spressa de la jente, si che ella ne fo rebutá de fora con dezonor.
R quando Caiffas ave visto la jente de Pilato, si ge dè in bairia messé Ihu. Xe., e quelli si ge ligàn forte le main, e cossì fraxello e lo menàm a Poncio Pillato, e quando elli insì de fora de caza de Caiffas, e la Dona se levà como mego ella poè e goardava se ella poisse vei lo so Figor, e ella non lo cognossè, persochè ello era tuto scanbiao, e si avea li ogi tuti nici e li meroim, e lo vizo tuto neigro, e la fassa era tuta pina de spuasso, e la testa tuta perá, e lo corpo tuto pin de lavago e da monte parte o pioveiva
