 |
Questa pagina è stata trascritta ma deve essere formattata o controllata. | |
mondo. Morì Sezaro Augusto e regnà Tiberio Sezaro in Roma, e de lì a II-V agni messé Ihu. Xe. preize pasiom, e in quello tenpo si regnava sum la terra de Iudea [...] e era pagam, e lantora Pilato era vicario de Ierusalem, e questo Herodes fo quello chi fe tagá la testa a messé sam Zoane Batesto in lo fiume Iordam, e lantó o b[e]nixì a noi le aigoe e lo batesmo.
Chì se contèm como lo nostro Segnó vegne in Gallilea a lu fiume Iordam e como messé sam Zoane Batesto lo batezà.
essé sam Mathé evangelista dixe che messé Ihu. Xe. vegne in Gallilea a lo fiume Iordam, e messé sam Zoane Batesto era lì, e si batezava piaschum chi andava a ello, e quando messé Ihu. Xe. fo lì e messé sam Zoane ge disse: "Segnó, e don esse batezao da ti, e ti vegni a mi per esse batezao?" Disse messé Ihu. Xe.: "Lasa stá aora, che e l'è mesté che se fassa cossì, asochè e conpiamo tuta iustixia".
Or la aigoa era li rente, e lantó e intràm inseme tuti doi inter la aigoa, e quando messé sam Zoane lo batezava, ello goardà in ato e vi lo cel averto e lo Sprito de Dee desendeiva in semengansa de una coronba, la qua se possà sorve la testa de messé Ihu. Xe., e odì una voxe chi insì da cel e disse: "Questo si e lo mé Figo altissimo in lo qua me bem piaxuo [sic]. Ancora messé sam Zoane evangelista dixe che quando messé sam Zoane Batesto vi messé Ihu. Xe. chi andava a ello, e disse: "Vete lo agnello de Dee lo qua leva li peccai e destrue tute le pecce' de lo mondo, e questo è quello de che e ve parlai e de chi e ve disse che e l'era faito avanti cha mi, a lo qua e non som degno de desligá la coreza de li soi casai, ma e non lo cognossea, asochè ello sea maniffesto in Ierussalem, o covem che ello sea batezao in aigoa". E messé sam Zoane Batesto testimonia che ello vi lo Sprito Santo desende in specia de una coronba, e se possà sorve la testa de messé Ihu. Xe. "E non lo cognosea, ma quello chi me manda a batezà in l'aigoa si me disse: A quello a chi ti veirai vegní lo Sprito Santo dever lo cel in senbiansa de coronba, e possáse sorve la testa de ello, quello è quello chi batezerà [con] lo Sprito. E si lo vi, e si ge dago testemonio che questo è lo Figor de Dee".
Chì se contèm como lo Segnó fo inconviao in Gallilea a le nose con la nostra Dona con alquanti de li soi dissipuri, e lì fe aigoa vin, e fo de li promé mirachori che ello feisse davanti a li soi disipuli.
essé sam Zoane avangelista dixe che, seando za grande messé Ihu. Xe., fasondosse[sic] noce in Gallilea, a le quai ge fo inconviao nostra Dona e Ioxep e messé Ihu. Xe. con alquanti de li soi desipori, a le que nosse o ge manchà lo vin, disse la nostra Dona a messé Ihu. Xe.: "Figor, o non g'è de lo vin, si che questa iente non am da beive salvo de aigoa". Respoze messé Ihu. Xe. a la nostra Dona: "Femena, che fa ni a mi ni a ti se non g'è vin da beive, che la mea ora non è anchon vegnua". E confiandose la nostra Dona de lo so Figor, si disse a li serviaoi: "Tuto so che dirà lo me Figor, si fai".
Or in quello logo si ge era VII idrie da tegnei aigoa, chi eram posai li segondo lo puriffichaciom e uzanssa de li Zué, e quelle idrie eram de prea, chi vo tanto a dí tanto idrie como jara, e piaschuna de quelle tegnivam una mezura e tá doe e tá tre'. Disse messé Ihu. Xe. a li serviaoi: "Pige' quelle iare e portalle a lo posso e inpire[sic] de aigoa, tanto quanto elle pon tegní, e poa adule cocì denanti a noi". Or quando li servioi avem faito so che ge fo comandao, messé Ihu. Xe. disse a li servoi: "Pige' de so che e inter quelle iare e adune a sazar a lo terchin" chi era senescarcho de quelle noce. Or quando lo arterchim ave bevoto de quello vin chi era aigoa, e non savea como se fosse so, ma li servioi chi aveam traito la aigoa si lo saveam bem, unde lo senescarcho fo tuto marevego de quello vin chi era prefeto e bon, e si ihamà lo spozao e ge disse: "Che è so, che ti ai vosuo
