 |
Questa pagina è stata trascritta ma deve essere formattata o controllata. | |
ello era homo de ví linago, e non cognossea niguna bona raxom per che o poisse lassá deré da ello de lo so linago, tuti li liberi chi ne parlavam o li fe bruxá, inpersochè tuti li avengelista aveam grande breiga de Ioxp[sic] e de nostra Dona madona santa Maria. Or questo Erodes stava in gracia e era nober homo, e ihamavam quella terra 'despoti', chi tanto vo di in gregescho como 'destruti', persochè elli eram insij de la soa terra per arcune discordie, e quelli si stavam inter la gente strangera1, e quelli tegneam li liberi con grande noberessa, persochè elli parlavam de tute generaciom dritamenti, da li pairi a li figi, e de lì preizem li evangelista la umana generaciom de lo nostro Segnor mesé Ihu. Xe. Mesé sam Maté si anoma Ioxep figo de Iacob , e mesé sam Lucha si lo piama figo de Eli, e de questo ne porea esse faito questiom, ma e vogo che voi sapiati[sic] che in quello tenpo era costume inter li Zué, che um so figo moriva sensa erei, l'atro pigava la mogé de lo frai morto e lo primo figo che ello n'avea si era piamato[sic] figo de lo primé, segondo lo lor ordem de la lor leze. Or Ioxep fo figo de lo segondo frae, nassando segondo natura de lo primé frai. Or Iacob chi era lo primé frae, preize mogé e morì e non ave nissum figor, unde o covegne che so frai pigasse soa chugná per mogé, segondo la lor leze, e n'ave um figo chi ave nome Ioxep, e era ihamao figo de Iacob, chi era so barba segondo la lor leze, e era figo de Eli segondo natura. Or messé sam Lucha dixe che da Davit tan fin a Ioxep si tre tute le generaciom per corso de natura, e messé sam Maté li tre per natura e per la leze, persochè ello era Zué e si savea le lor costume de le lor leze, e cossì piaschum de li evangelista dissem veritai de la generaciom de Ioxep e de Madona Sainta Maria.
Chì se contèm como Ierusalem fo sotemisso a li Romaim in lo tenpo de Ponpeo.
a che la terra de Iuda e de Ierusalem fo destruta e sotemissa a la segnoria de Roma e aquistàla Ponpeo, chi fo lu[sic] pu notaber citaim chi fosse in Roma e chi mai avesse pu trionfi e pu vitorie, e vensè in lo canpo la mao parte de lo mondo, ma a la fin o l'ave una grande discordia con so zenero2 Iulio Cezaro, e conbatèn in lo piam de Solonichi, e Ponpeo fo vensuo com tuta la soa gente, e poa o fuzì in Egito, e a traimento Tolomé ge fe tagá la testa e fella aprezentá a Iulio Cezoro[sic], e tuto questo caite a Ponpeo per um peccao che ello fe, che quando ello ave aquistao la terra de Iudea, e fo in Ierusalem, ello per despeto de li Zué chi era ihamao lo Dee de l'atra gente, si fe aparegá in lo tenpio che avea faito fá re Saramon, le stalle e le mageore[sic] de li soi cavalli, unde de lì avanti li soi fati non ge zem prosperi, e pe so piaschu se dè goardá de fá cossa che despiaxa a Dee, e semegeivementi o ceite cossì a Badasal, figo de Nabucdonozor, lo qua derobà lo tenpio e preze[sic] tuto l'oro lo qua era deputao a lo officio de Dee, e quando Nabucdonozor morì, Badasal so figo regnà per ello e fe cosse chi despiaxèm a lo nostro segnor Dee, che ello beve con la copa de lo nostro segnor Dee chi stava in santa santorum, e per questo peccao lo nostro segnor Dee lo fe vegní in desgracia, che dormiando li soi famigi lo schanàm.
Or in quello tenpo era Daniel proffeta in Cardea, e era li Ioachim inprexonao, e questo Ioachim era staito re de Iudea e de Ierusael[sic], e in quello tenpo si era sam Daniel proffeta in Cardea lo qua ge era staito menao con li atri figi d'Issael.
Chì se contèm como sam Daniel convertì Astriages re de Caldea e tuti li re Tolomei fin a Iulio Sezaro.
epoi Badasal regnà Astriages, e fe mete sam Daniel proffeta in una speroncha piña de leoim, cossì como o possei odí, dessà voi avei odío como Nabucdanazor si fe fá una statua de oro che ello fava orá, e la fava ihamá Abel, e tegneala per dee.
Or a la fin san Daniel la destrusse. Or vegando lo re Astriages che Daniel era sapientissimo, si lo menava conseigo e ge fava senper grande onor, e de so che o fava tuti quelli de Cardea ne avea grande despiaxe[sic], e dixeam: "Questo nostro re si meña questo Daniel conseigo e fage tanto onor, unde o pá che o sea devegnuo Zué, che ello lo ama tropo pu cha noi. Or quella idolla stava in um grande tenpio, a la qua per costume e ge davam ogni di sete vache e sete corbe de pan, e davage
