 |
Questa pagina è stata trascritta ma deve essere formattata o controllata. | |
parolle e inbrasà lo schuo e schrolà soa lansa e incomensà a corere[sic] contra a Davit. Disse Davit: "Ti si ve con lanssa e con schuo jncontra de mi, e mi vegno contra de te jn lo nome de lo me segnó Dee de Issael". E desfià lo zagante, e lo zagante lé, e corsem l'um contra l'atro, e lo zagante vegniva monto furiozamenti contra Davit, cossì como homo chi non lo aprexava niente, e incomensà a scrolá la soa lansa, e lansà incontra a Davit creandoselo ferí, ma Davit, chi era avisto e acurto, vegando vegní la lansa, si dè si grande sato a lo traverso, e la lansa passà da parti e niente lo tochava. La lanssa passà con si grande forsa e ferì inter um erboro che ello ne ihapà una grande parte, e poa a ferì in terra e ficàsege pu de um parmo. Or quando Davit vi quello corpo, o non ge parsse zogo da rie ni de sta a cote[sic] novele, ma prestamenti o pigià la soa fronzora, che ello avea bem aparegiá, e preize una prea, che ello avea sernoa[sic], e si la misse sum la cassola de la fronzora, e menà tre fiá intorno la testa e lasàla andá. Lo corpo ferì si fortementi in lo fronte a lo zagante che o ge ronpì lo ermo che o l'avea in testa, e poa o ne pigià una atra e ferillo in quello mesmo logo si che lo zagante ch[e]ite morto in terra, e Davit si ge corse adosso e, non agiando spá, e si pigià quella de Golias e tagiàghe la testa e missela sum lo bastom che o l'avea. Or Abram, chi era cavo de l'oste de Saul, quando li Filistei vi[sic] che lu[sic] pu forte de lor era morto, si perdèm tuta la vigoria e se misse[sic] in rota e incomensàn tuti a fuzí e non aspeitando l'um l'atro, e quelli d'Issael, vegando questo, si ge zem deré e fem una grande tagiar de lor, e poa Saul si spià a Abram, capitamnio de lo oste, se ello savea de chi se fosse figio quello fantin, ni de che linago ello se fosse, persochè o ge devea dá soa figia per mogié, e Abram respoze che o non savea de che ello se fosse figio, ni de che linagio ello fosse. E lantora re Saul comandà che Davit ghe fosse menao davanti, e quando o lo vi o ghe demandà de chi o l'era figio, e ello ge disse che e l'era figio de Iesse de lo tribo de Iuda. E quando re Saul inteize so, si fo monto alegro, persochè e l'era de bon linagio, e Ionatas, figio de re Saul, ave grande amó a Davit e dege le soe vestimente e lo so ercho e la soa saita in segno de grande amor. Or poa che li Filistei fon vensui e schonfiti, li figij d'Issael se ne tornàm con grande alegressa, e, quando elli se acostàm a la terra, le done e le donzele ge insìm incontra con bali, con stromenti e con atri tanbuti, e cantavam una canson chi dixeiva "Saul ne ha morto mille e Davit X M., che ello a morto lo zagante e a levao la vergogna a li figij d'Issael". E quando re Saul inteize questa canson si n'ave grande despiaxei e invea in fra si, e da quello iorno innanti o non goardà mai a Davit da bon cor, e si ge vegne men de quello che o ge avea promisso, e pezo, che o pensava de falo morí, e a la fin o covegne che Davit se ne fuzisse, e ze fuziando de terra in terra tan fin che re Saul fo morto.
Chì se contèm como re Saul fo vensuo da li Filistei e de la morte de lo re Saul.
apoi queste cosse li Filistei se reforssàm e si missem inseme lo so oste e vegnen contra re Saul, si che a la fin de la batagia re Saul fo vensuo e desbaratao per li Filistei. E li figij d'Issael fuzìn tuti de lo canpo. E re Saul romaze soreto con lo so schué in lo monte de Galad. E lantora re Saul disse a lo so schué: "Amasame ti, avanti che vegne li me inimixi, asochè e non me fassam vergogna, e poi e me amaseram". Or lo schué ave de questo grande dolor e ge disse che o non ne farea niente. E lantó re Saul ne lo pregà caramenti, e vegando lo re Saul che o non lo vorea amassá, si se deliberà avanti de dasse avanti[sic] la morte, cha[sic] che li Filistei l'amassasem, e si preize la soa lanssa e la testa o la misse a cavo de um erboro e misse la pointa per mezo la soa ventre, e per forssa o se arembà sum la lanssa, per modo che la lanssa ge insì da lo costao, soè deré da le spalle, e cossì o ceite como morto, e quando lo schué ave visto so che avea faito so segnó, si fe de lé atretá, e morì. E re Saul chi era forte e subré, seandosse tuto ihapao denanti e derré, e persochè o non se avea tochao lo cor, o non poea morí, ma stava in angosse, in peñe, e non se poea move ni corlá, e stagando in queste peñe, um homo de l'oste d'Issael, chi fuziva e pasando per lì, lo re Saul si lo ihamá e si ge disse: "Tu vei ben che e non posso fuzí da la morte, e però e
