 |
Questa pagina è stata trascritta ma deve essere formattata o controllata. | |
inteizo so, si se butàn tuti in terra e si oràm e refferin gra. a lo nostro segnor Dee, e poa e se ne zem a caza e fem como lo nostro segnor Dee g'avea comandao a Moizes e Aron. E quando vegne la meza nocte lo nostro segnor Dee ferì tuti li primigeniti de Egito e incomenssà da lo primogenito de faraom chi sezea in la soa sedia tan fin a lo figio de la ihava, si che e non fo caza unde non fosse quarche morto. Or quando faraom vi so, si fe ihamá Moizes e Aron e si ge disse: "Levaive e andai fora de la mea terra con le vostre mogié, con li vostri figij e con lo vostro bestiame, cossì como voi avei demandao, e andai a benixí lo vostro Dee". E li Egiciem aspresavam fortementi, e covegne che elli pigiassem la pasta e la farina de che e deveam fa lo pam lizo, e involupavanlo in le toagie, e portanllo con lor. E li Egiciem li cassavam fora in grande fressa[sic]. Or li figij d'Issael aveam faito so che lo nostro segnor Dee g'avea comandao, che elli aveam inpremeao vasselle de oro e de argento e vestimente riche da li Egiciem, e lo nostro segnor Dee fe gra. a lo so povo che [...], e li Egiciem ge prestavam tuto so che ge fava mesté. Li figij d'Issael se partìm lantó de Egito e fon in numero CCCC M. sensa le femene e li figij, sensa l'atra gente de quella provincia, e sensa la gente strangera da tute parte chi fon povo sensa numero, e poa pigiàm la pasta e la farina che elli aveam, e si ne fem fugasse cote sote la braxa. Or lo tenpo che li figij d'Issael stem in Egito si fo agni CCCCIIII-, e in quelli fon conpij quelli agni ne li trè lo nostro segnor Dee e si e d'avei monto in memoria da li figij d'Issael, in la qua nocte lo nostro segnor Dee li trè de Egito e de la servitudem de lo re faraom.
Chì se contèm de la relegio e de lo trapasamento.
isse lo nostro segnor Dee a Moizes e a Aron: "Questa si e la relegio de lo trapasamento, e nisum homo chi sea strangé non mangerà de lo agello[sic], ni lo servo acatao se ello sarà circoncizo dentro da caza si ne porrà mangiá de lo agnello de lo trapasamento sea masiho e mangello a lo vespo tuto quanto che non ge ne romagna niente a l'umdeman. E mangiem la testa, lo cor e li pé e tute le osse e le cosse de dentro, e se per ventura ge ne romagnesse archuna cossa, si la butae inter lo fogo, e questo mangereillo de note senper stagando in pé, e averei cassai li vostri pé a lao de le vostre bestie, e anchora lo baston in le vostre maim, e cossì faram tuti li figij d'Issael in quello jorno. E se alchu homo strangé voresse vegní a la vostra leze, sea promeramenti circoncizo e si porrà mangiá de lo agnello". Or li figij d'Issael fen tuto so che lo nostro segnor Dee ge avea comandao a Moizes e Aron, e per questo modo li figij d'Issael insìm de Egito.
Chì se contèm como li figij d'Issael zem a stá in arenir.
uando lo re faraom assolvè li figij d'Issael che elli se partissem de Egito, lo nostro segnor Dee non vosse che i zeissem per la via de Parestilla, chi era rente de Asmasse, che o savea bem che ello se pentireiva che o li avesse lasse' andá e che o ge verea aprovo per tornalli in Egito, per che lo nostro segnor Dee ge comandà che elli zeissem per la via de lo dezerto, chi e rente lo má Rosso.
Or li figij d'Issael si zem bem armai e insìm fora de Egito, e in quella ora che se partìm, si ge comandà Dee che zeisse a prende la cassa unde era le osse de Ioxep, persochè Ioxep avea sconzurao li figij d'Issael, e si ge disse, avanti che ello morisse: "Lo nostro segnor Dee si ve vixiterà e ve trarà de Egito". Or se partìm li figij d'Issael e zem a stá in arenir in cavo de le areñe, e lo nostro segnor Dee si li giava de jorno in senbianssa de una coronba e de nocte in senbianssa de una coronna de fogo, e cossì li figij d'Issael fem quella via fin che i fon in terra de promissiom.
Chì se contèm como quelli de Egito zem apresso a li figij d'Issael.
isse lo nostro segnor Dee a Moizes che ello dixesse a li figij d'Issael che elli zeissem a passá per la terra dee[sic] faraom a lo logo chi è rente a lo madallo[sic] a lo mamuer[sic],
