Pagina:Le opere di Galileo Galilei I.djvu/37

34

iuvenilia

implicat, ut patet: vel convenit non esse ante ipsum esse; et ita repugnat, creaturam potuisse esse ab aeterno. Vel, 2^o, implicaret, quia creatura habet esse participatum a Deo; at si esset ab aeterno, falsum id esset; ergo [etc.]. Sed neutrum horum impedit; ergo [etc.]. Minor probatur: non enim primum; quia cum dicitur creaturae convenire ex se non esse, dicitur quia habet illud a Deo; a quo si derelinqueretur, statim in nihilum recideret: neque 2^um; quia etiam si ab aeterno creatura extitisset, habuisset tamen esse acquisitum, hoc est dependens a Deo.

[2^a opinio.]Secunda opinio est Durandi, in 2^o dist. p.^a, quem secuntur permulti recentiorum; et videtur etiam esse D. Thomae, in p.^a parte q. 46 art. 2^o, sentientis aeternitatem repugnare quidem corruptibilibus, non tamen incorruptibilibus, ut caelis et intelligentiis. Probatur haec opinio, quo ad secundam partem, ex argumento primae sententiae. [P.^um argumentum.]Probatur quo ad primam partem: primo, quia, si corruptibilia potuissent esse ab aeterno, sequeretur infinitum actu fuisse pertransitum, contra Aristotelem et rationem. Probatur sequela¹: quia infiniti dies, menses, anni etc., et infinita individua, fuissent pertransita. Quin imo, cum animae hominum sint immortales, sequeretur actu infinitum esse, illique fieri continuo additionem. 2^o: sequeretur aliud absurdius, hoc est dari maius infinito in infinitum. Quia si mundus fuisset ab aeterno, infiniti anni fuissent elapsi; at annus continet 365 dies; ergo plures dies in infinitum praeterissent quam anni. 3^o: sequeretur dari creaturam aliquam habentem virtutem infinitam. Probatur sequela: quia, cum intelligentia cognoscat omnes circulationes sui orbis, si mundus ab aeterno extitisset, infinitas circumvolutiones intelligentia comprenderet; atque ita, cum infinitum non possit nisi ab infinito compraehendi, sequeretur in intelligentiis dari vim intelligendi infinitam.

[3^a opinio.]Tertia opinio est Philoponi in libro quo respondet argumentis Procli pro aeternitate mundi, Gandavensis in quodlibeto p.^o, D. Bonaventurae in 2^o dist. p.^a quo.^e 2^a, Marsilii in 2^o dist. p.^a art. 2^o, Burlei in 8 Phys. in quo.^e hac de re super t. 15; et Sanctorum² Patrum, ut Athanasii³ in 2^a oratione contra Arianos, Ambrosii in p.^o Hexameri⁴, Augustini in libro contra Filicianum Arianum, Damasceni in p.^o De fide orthodoxa⁵ cap. 8, Basilii, Hilarii⁵ ; Augustini item et Athanasii³, utentium hoc argumento adversus Arrium, asserentem Dei Filium esse creaturam:

1. 17. sequaela —
2. 32. santorum —
3. 32– 33, 35. Atanasii —
4. 33. Examero —
5. 35. ortodoxa — Ilari —