 |
Questa pagina è stata trascritta e formattata, ma deve essere riletta. | |
| 346 | de motu. |
illa minorem occupabit locum quam aqua: quare merito in angustiori spatio erit reponenda. Et, similiter, tanta materiae mole, quantam terrae forma in angusto loco compraehendebat, forma aëris amplissinmm spatium replebat: ergo aëri natura ampliorem, quam terrae, focum assignare debuit; ergo, centro remotiorem. Similique modo de igne etiam discurrendo, congruentiam quamdam, ne dicam necessitatem, talis dispositionis inveniemus.
Ex his colligi potest, nullius esse momenti Aristotelis argumentum, quo probare contendit, elementorum materias inter se esse aequales; dum dicit: Si ignis materia excederet materiam aëris et aquae, iam aër et aqua, ab igne exusta, in ignem conversa fuissent.1 Nanque, etiam si ponamus ignem vel millies aërem excedere, non tamen verendum est, aërem in ignis naturam converti posse: cum enim locus omnis sub concavo ☽ expletus sit, et, si aër ignis evaderet, longe ampliore, quam nunc occupat, loco egeret, constat, eo quod careat spatio in quo consisteret, in igneam non posse transire naturam. Et sic de caeteris censendum est elementis.
Quae moventur deorsum naturaliter, moveri ab excessu suae gravitatis super gravitatem medii.
Proprissimam naturalis descensus causam esse excessum gravitatis
mobilis super gravitatem medii per quod ferri debet, tunc mihi
ostendisse persuasero, cum duo haec demonstrata fuerint: primo, impossibile
esse, corpora quaecunque, si medio aliquo fuerint graviora, in eo (non
impedita) non descendere; 2°, nullum posse haberi corpus, quod, si medio
aliquo fuerit minus grave, in eo naturaliter descendat. Horum itaque
confirmatio ex his, quae superiori capite declarata atque supposita
fuere, commode hauriri potest. Cum enim natura constitutum sit,
graviora sub minus gravibus manere, quatenus igitur graviora sunt, sub
minus gravibus quiescunt: ergo causa cur graviora sub minus
gravibus consistant est excessus gravitatis. Verum id quod dat manere sub
2. tancta — quanctam — 5. cenctro — 8. momencti — 21-22. ostendisse persuadeo persuasero — 27. auriri —
- ↑ Postilla marginale: «P.° Meteororum cap. 3°».
