 |
Questa pagina è stata trascritta e formattata, ma deve essere riletta. | |
| de motu. | 307 |
violenta: quia, scilicet, est axium super cardinibus resistentia. Cum enim contingat sphaeram extra proprium locum esse, contingit etiam ipsam gravare et substentaculo egere; quare axis sphaerae extremitates, super cardinibus gravantes, motum impediunt. Verum quo magis axis extrema subtilia et expolita fuerint, eo minus resistentiam patientur: ita ut si imaginabimur indivisibilia esse, tunc ab illis nulla resistentia proveniet. Accidit etiam, talem motum, a superficie sphaerae retardari, si superficies rudis et scabrosa extet: aër enim circumfluus, et in superficiei concavitatibus retentus, motum impediet, non autem iuvabit, ut aliquis credidit; quod suo loco explicabitur. Quod si sphaera heterogenea fuerit, ita ut habeat centrum gravitatis extra centrum molis, circumducatur autem super centrum magnitudinis, hic, praeter ceteras causas per accidens supra allatas, erit etiam causa per se cur motus talis sit non, ut alter, nec naturalis nec violentus, sed nunc naturalis nunc vero sit violentus. Cum enim centrum gravitatis circa centrum magnitudinis in tali circulatione circulum describat, quando ex imo ad supremum locum ascendet, vi movebitur, cum a centro mundi recedat; cum vero ex supremo in imum tendit, natura certe feretur. Sed quia non quantum natura descendit, tantum vi potest attolli ab impetu accepto (cuius causa suo loco explicabitur), hinc fit ut maior sit difficultas in ascensu quam propensio in descensu: ex quo sequitur, tum ex hoc tum propter alias causas per accidentia, ut magis violenti naturam sapiat quam naturalis.
A quo moveantur proiecta.
Aristoteles, sicut fere in omnibus quae de motu locali scripsit, in
hac etiam quaestione, vero contrarium scripsit: et profecto non mirum
hoc est; quis enim ex falsis vera colliget? Non poterat Aristoteles tueri,
motorem debere esse coniunctum mobili, nisi diceret, proiecta ab aëre
moveri. De hac itaque sua opinione multis in locis testimonium fecit,1
7. superficiae – 9. retenctus – 11. eterogenea – 12. centrum suae magnitudinis – 17. supraemum – 22. accidentes (e prima aveva scritto accidens) – 23. ut potius magis – 16. questione – 28. nisi dixisse[t] diceret –
- ↑ Postilla marginale: «4 Phys. 68; 8 Phys. t. 82; 3 De caelo t. 28; in libello Desomniis, cap. 2; lib. De divinatone per somnum, ca. 2, sectione 11, prob. 6».
