 |
Questa pagina è stata trascritta e formattata, ma deve essere riletta. | |
| 296 | de motu. |
ventur, gravitates; et proportiones consequenter velocitatum, gravitatum proportiones, sequantur; haecque non nisi in vacuo dari contingat; in vacuo etiam solo velocitatum discrimina vera et naturalia contingere, dubio procul est asserendum.
Caput . . . .
in quo agitur de proportionihis molium eiusdem mobilis super diversa plana inclinata.
Quaestio, quam nunc explicaturi sumus, a philosophis nullis, quod
sciam, pertractata est: attamen, cum de motu sit, necessario
examinanda videtur illis, qui de motu non mancam tractationem tradere
profitentur. Est autem quaestio non minus necessaria, quam elegans
et subtilis. Quaeritur enim cur idem mobile grave, naturaliter
descendens per plana ad planum horizontis inclinata, in illis facilius et
celerius movetur quae cum horizonte angulos recto propinquiores
continebunt; et, insuper, petitur proportio talium motuum in diversis
inclinationibus factorum. Huius quaestionis exitus, cum primum
exquirere tentassem, visus est non omnino faciles habere explicatus:
attamen, cum diligentius rem examinarem eiusque demonstrationem in
sua principia resolvere conarer, tandem comperi, huius
demonstrationem, sicut et aliorum quae prima fronte nimis ardua videntur, ex notis
et manifestis naturae principiis ortum ducere. Quae quidem notiones,
tanquam ad illius explicationem necessarias, nunc primum exponemus.
Et primo, ut melius omnia intelligantur, quaesitum exemplo
declaremus. Sit itaque linea ab, ad centrum mundi
tendens, quae ad planum horizonti aequidistans
sit perpendicularis; in plano autem horizonti
aequidistanti sit linea bc; ex puncto autem b
educantur lineae quotcunque, quae cum linea bc
angulos acutos contineant, sintque lineae bd, be.
Quaeritur igitur cur mobile, descendens,
citissime descendat per lineam ab; per lineam vero bd,
citius quam per be, tardius tamen quam per ba; et per lineam be, tardius
13, 14, 25, 26. orizont.... Non avvertiremo ulteriormente questa grafia. – 22. necessaria – 28. quotcunquae – cum plano linea –
