 |
Questa pagina è stata trascritta e formattata, ma deve essere riletta. | |
| 274 | de motu. |
Caput . . . .
in quo ea omnia, quae supra demonstrata sunt, naturali discursu considerantur, et ad lancis pondera naturalia mobilia reducuntur.
Quando quis veritatem alicuius rei nactus est, et non nisi summo
labore comparavit, deinde, sua inventa diligentius inspiciens, saepius
cognoscit quomodo ea, quae magno negocio invenit, poterant
facillime percipi. Habet enim hoc veritas, ut non adeo, ut multi
crediderunt, latitet; sed eius vestigia diversis locis splendent, multi sunt
calles per quos ad eam inceditur: nobis tamen saepius accidit ut
ea non cernamus quae propinquiora et clariora sunt. Et de hoc
exemplum prae manibus manifestum habemus: ea enim omnia, quae
supra satis ardue demonstrata et declarata fuerunt, nobis a natura
adeo aperta et manifesta exponuntur, ut nihil clarius, nil apertius.
Quod quidem ut cuique appareat, consideremus, primo, quomodo et cur ea quae feruntur sursum, ferantur tanta vi, quanto tanta moles medii, per quod feruntur, quam tanta est moles mobilis, gravior est ipso mobili. Intelligamus itaque lignum quod in aqua ascendat et aquae supernatet: iam manifestum est quod lignum fertur sursum tanta vi, quanta esset necessaria ad illud vi sub aquam demergendum. Si itaque inveniamus, quanta vis necessaria sit ad illud sub aquam comprimendum, habebimus intentum: sed lignum nisi esset levius aqua, hoc est si esset grave ut tanta moles aquae quanta est sua moles, iam certe demergeretur, et non attolleretur supra aquam: tanta ergo vis, quanta est gravitas secundum quam ligni gravitas superatur a gravitate dictae molis aquae, sufficit ad lignum demergendum. Inventa est ergo quanta gravitas requiratur ad lignum demergendum: sed mox determinatum fuit quod lignum sursum fertur tanta vi, quanta requiritur ad illud demergendum; requiritur autem ad illud demergendum gravitas mox inventa: ergo lignum fertur sursum tanta vi, quanta est gravitas qua tanta moles aquae, quanta est moles ligni, excedit gravitatem ligni: quod quaerebatur.
Pari ratione de motu deorsum est ratiocinandum. Quaerimus igitur, sphera plumbea quanta vi deorsum feratur in aqua. Patet igitur, primo,
5, 9. sepius – 9. ad eam proficiscitur inceditur – 19. aqua – 32. Pari est ratione – Querimus –
