 |
Questa pagina è stata trascritta e formattata, ma deve essere riletta. | |
| 318 | documenti |
(34). Insuper illis qui argentum vendiderit et denarios suos requisoerint si denarii fuerint, eis dabimus sicut exeunt de moneta, videlicet denarios novos quam cicius poterimus.
(35). Denarios quidem non trabucabo nec trabucari faciam modo aliquo vel ingenio, nec havere communis de moneta extraham nec extrahi faciam, nec de eo utar ad meam utilitatem nec ad utilitatem alicuius persone per aliquem modum vel ingenium, nisi tantum pro moneta.
(36). Item quod non debeant vel possint dicti massarii ponderare aliquod argentum quod ement vel extimabunt, nisi primo erit ponderatum per pesatores; et postquam erit ponderatum, massarii aut massarius teneantur recipere illud argentum per illud pondus quod pesatores eis dabit.
(37). Item quod massarius cuius erit quindena non debeat comparare nisi tantum argentum quantum potest facere laborari in sua quindena, secundum ordinem eis datum per Maius Consilium, ad hoc ut denarii veniant pulcriores: et si argentum superaret, debeat illud dimittere alteri massario cui venit quindena et si denarii superarent qui non essent cuniati, non possit facere ipsos cuniari sub quindena alterius massarii, ad hoc ut non miscient una racio cum alia, et ad hoc ut denarii melius cunientur et informentur.
(38). Item si scient vel credent quod aliquis cambiator vel aliqua alla persona sit in moneta quando voluerit circhare argentum pro comparare, qui cambiatores vel alie persone starent et expectarent etiam causa comparandi dictum argentum, teneantur massarii eos licenciare de moneta; et si nollent exire, teneantur illis tribus XL qui erunt pro tempore dicere.
(39). Item si quis venetus voluerit ire extra Veneciis, vel Duracium, vel in Romania, vel ultra mare, vel in Pulia, et voluerit cambire denarios veteres pro novis, tenemur sibi cambire, scientes prius per fidanciam sibi acceptam quod vadat ad aliquam parcium predictarum; et quando cambiabimus denarios, tentabimus et videbimus si erunt tonsi vel minus boni quam esse debent, et incidemus tonsos vel minus bonos ita quod esset non possit abere defectum.
(40). Propterea gastaldionem, in diebus quando laborabitur ad monetam stare faciam usque ad terciam, et tamtum plus quantum mihi et sociis meis aut socio meo probono monete videbitur, et eodem modo stare faciam nisi remanserit occasionibus specificatis aliis officialibus; et si gastaldio non venerit ad campanam, amitat unum grossum.
(41). Item quando quindena erit mea, teneor et debeo superstare mendatoribus quod bene emendet et valide, et operariis quod faciant pulcros fladonos
