 |
Questa pagina è stata trascritta, formattata e riletta. | |
Testi friulani: Secolo XVII.
269
L'anime è tant afflite
Par così lunc stentà
Ch’iò no pues plui durà
Pene tant dure.
Tu pūs iessi sicure,
Ch'iò soi par te in chest stāt
E soi tant tormentāt
Pe to durezze.
Dee par che gran bellezze
Chu si viōt tante in te,
Mòstriti viars di me
Vuemai pietose!
La pene dolorose
Mi farà al fin murì,
E tu lu pūs patì
Crudēl sassine!
Qual vite tant meschine
Si chiattà in tiare mai,
Qual vite in tant travai
Fo mai vidude?
Sarastu mai tant crude
Chu tu no vueis havè
Compassion de mè
Pene incredibil?
Saraial mai possibil
Chu iu miei chialts suspirs
No mudin iu pinsirs
E la to voie?
Donchie la crudel doie
Chu par te simpri o sint,
Mi farà là zimint
Senze mercede!
E la me pure fede
Vorà tāl guiderdon,
Penis lu premi son
Des mēs fadijs.
No fo ma’ in tantis vijs
Tormentāt un amant,
Nissun no vè mai tant
Triste furtune.
