 |
Questa pagina è stata trascritta, formattata e riletta. | |
Testi friulani: Secolo XVIII.
313
Ogni chiossa è viziosa
E dut è falsificat,
Una lenga virtuosa
Me l'ha det par veritat.
Una lez dutg vuèlin fasi
A so mot chestg quattri dìs,
E cemot porrà mai dasi
Che chest mont plui steti in pìs?
L'ambizion, lis prepotenzis,
L'amor propri e l'interes
Son lis tristis conseguenzis
Che nei curs han fat l'ingres.
Si contenta il so caprizi,
Si soddisfa la passion,
E poi resta a preiudizi
Del clar lum della rason.
Una ment preiudicada
Da oggets peccaminōs
No sa vè par camerada
Bong pinsir e virtuōs.
In sin mai nel Santuari
Chest malor ha ciolt posses,
Cussì nò, che il Breviari
Si pospon all'interes.
E cul zug della basseta
Del trionfo e del trisiet,
Si traspuarta la completa
In sin mai dopo las siet.
Zazzarina cultivada,
Sottanin, abet francēs,
Azïon trop affetada
Chest'è poc, se nol foss piēs,
Cussì va la vuestra Setta,
O San Pieri benedet,
Ha la cros sulla baretta
E nel cur il van dilet:
La pazienza è dai Fraris,
Cussì dìs il volgo sclet,
Ma iò dìs ca jè das maris,
Dai artisans, dai poveretz.
O la gran biella pazienza,
No dirai di San Francesc!
