 |
Questa pagina è stata trascritta, formattata e riletta. | |
298
Joppi,
Padre.Oje, olà, Sur me chiare, cussì mi favelais dei Sacerdoz? dulà ise la caritat, che scuse dut: mi maravei di vo; attìndit a fà i faz vuestris, mortificait chei voi, svarbazaisi, e credit manco mal dal vuestri prossin: ricèvit il rivuart che us doi e stait cun Dio.
Chit. Ah chiar Sior Padre, no hai dit inchimò nuje.
Padre. Ves dit pur masse, ch’iò no hai timp di sintì mighe il proces dai Fraris; che si distrighin lor. Ce vino da fà no? pur nuje affat. Ce veso di dimi, distrigaile?
Chit. Pazienze chiar Sior Padre, che trattànsi di spirt e di cuscienze, no l'è mistir mighe di buttà in stampe; al bisugne ch’al sepi, ch'in chel dì che chei Religios mi diserin ches peraulis, iò ridei e hai paure di vè pecchiat.
Padre. E po vedeso Donne, il cur m'al deve, che jeris stade cause vo di dut il mal. Vo ses senze virtut, Fie chiare, e dai vuestris capriz, che disis, dais la cause a chei altris. Oh baste, lassait là cheste storie e stait pal avignì sore di vo, veso intindut: veso altri?
Chit. Po capi, Padre sì. S'al si revuarde di vemi concedut quindis dizuns di pan e aghe: ju vevi za scomenzas, ma un gran dolor di stomi mi fazè tralassà, e soi restade cun timor d'avè fat pecchiat.
Padre. E chesg no son pecchiaz, oleso intindile. Al è ben ver, ch’un opere pie e buine tralassade è prive dal mert che si podeve acquistà cul fale, ma quand che no si pò, baste il bon cur, desideri, e rassegnazion.
Chit, Ma iò no pues vè cheste rassegnazion, nè no mi fidares che fos mai buine. And'è tantis e tantis, che cun chest biel pretest lassin la penitinze, mangin, bevin, duarmin ben, e po crodin di meretà. Si dan spas e bon timp, e minchionin il Confessor cun tant zemi, e si fazin compatì e dispensà d'ogni penalitat. Ah s'al saves di dos o tre, ch’iò lis cognos.
Padre. No mi stait a là plui indevant, e chest a l'è pecchiat; frenait la lenghe; sebben, par veretat, senze comparazion plui meritorie e jè la rassegnazion che lis austeritaz. La volontat di Dio devi jessi adempide; e cui cu no ha fuarzis, si devi consolà de so buine intenzion e abbandonassi a chel che Dio dispon.
Chit. Ma intant no si fas nuje pal Paradis in che vite poltrone; che mi compatissi Sior Padre, che iò no crod che sei cheste la buine strade. Al busigne patì; onde la prei a concedimi da chì indevant tre dizuns par settemane e tre disciplinis, dos gnoz di veje e quattri di
