 |
Questa pagina è stata trascritta, formattata e riletta. | |
Testi friulani: Secolo XVII.
297
Padre. Ves fortune dal ciart par cheste volte, ma sbrigaisi biel prest.
Chit. Po caspite, Sior Padre, Dio vuardi a tignilu plui dal necessari, iò vares di rindi cont; sai ben ch'al è il dovè ch'al consoli anchie iu altris che la sietin.
Padre. Juste Fie, dit su vo, no piardit timp.
Chit. Ma Padre, iò mi legri duquante quand che lu viod, e no ores mai ch'al fos affiet disordinat il miò ne so persone.
Padre. E ce oleso ch’al sei? vo si fidais di me come di Direttor e confidais ch'us meni pe strade drette al Cil semplicementri.
Chit. E po Sior sì dal ciert, dut par salvà che anime cun fin di profittà, ma iò hai qualch'inquietudine, quand che no lo pues vedè.
Padre. Mai si sei, finile cheste bibie, o pur chiataisi un altri di legrassi cun lui, che ses parone.
Chit. Ah Dio vuardi Sior Padre, iò murires di passion: iò sai ce anime di Dio che lui al è, e ce solef ch'al ricev il miò spirt de so assistenze. Il Signor pur mal conservi pal miò ben.
Padre. Fazi pur Dio, Fie chiare, chel cu i plas a Lui e vo dit su ce ch'us occor, ma lassait la proposte dall’affiet che no la vuei sintì.
Chit. Sior sì, Sior sì, Sior Padre. Ah Signor, iò ores iessi sorde e vuarbe, plui prest che no vedè e sintì chel cu si viod e cu si sint.
Padre. Po no ne, chiare Fie, anzi ringraziait Iddio ch'us lasse i sentimenz par podelu servì.
Chit. E Sior Padre, s’al saves quand ch’iò passi devant a chei doi luchs dal Ridut e de Rachette e cu si viodin simpri cierz Fraris e chesg Religios, mi sint propri a passà il cur dal mal esempli che dan a la Cittat; e s'al sintis ce che disin: ahimè! mi dan pene nome a revuardami.
Pad. Ecco subit in pront il pensà mal. Il zuch no l'è pechiat, ma une chiosse indifferent de so nature. E ce saveso vo che stein lor simpri a lì, veso fuars qualche spie ch'us rindi i conz? Eh Sur me chiare, plui simplicitat, e plui raccogliment in vo stesse, senze stà a tignì a menz i faz d'altris.
Chit. Ma cazzo, Sior Padre, bisugne savè ce che mi han dit ir l'altri, quand ch'iò passai, e chest senze nissun motif. Iò credei di sclopà di pur svergonzament. Baronaz, insolenz, che soi par dial, Sior Padre.
Padre. Nuje vie, taset là, dait la cause a vo stesse, che poc mortificade e maliziose, chiolis sinistramenti lis lor burlis: iò sai ce che oles dì; e son miors di vo, e par superà chest vuestri judizi, inzenoglaisi quand che iu vedes.
Chit. Eh Padre, ch'al mi scusi, iò soi ben pecchiatrizze, ch'iò lu sai, ma no
