 |
Questa pagina è stata trascritta, formattata e riletta. | |
| 56 | il corvo. |
SCENA QUINTA.
Pantalone e Jennaro
Pant. E viva! Le fortune corre drio, come le ceriese. Altezza, fio mio, ve vogio dar una niova; no digo, che la sia granda, ma savendo quanto sviscera che se per el vostro fradelletto, tanto delettante de cavalli, e de cazza, no la xe mo gnanca piccola lù.
Jen. Che c’è, il mio caro Pantalone?
Pant. Mo ghe xe, che intanto che ella parlava colla Prencipessa, me son retirà, come gera el mio dover, e spasizava per sta piazza. Xe comparso un cazzador a cavallo. Oh che cavallo! Son Zuecchin veramente, e doverla intendermene de battelli; ma ho visto anca dei cavalli a sto mondo. Oh che cavallo da retrazzer! Tigrà, ben quartà, petto largo, tanto de groppa, testa piccola, occhi grandi, una recchietta cusì, el galeggiava, el saltava, el ballava in tuna maniera, che, se el fusse sta una cavalla, dirla che la fusse la più brava ballarina del nostro secolo, che avesse fatto una trasmigrazion pitagorica, co’ dixe i matti.
Jen. Questa è una rarità, e bisogna acquistarla per mio fratello.
Pant. Adasio, sentì de più e stupì. Sto cazzador aveva un falcon in pugno bellissimo; e l’andava galeggiando su sto superbo cavallo. Bi-