 |
Questa pagina è stata trascritta e formattata, ma deve essere riletta. | |
| LA DIAVOLESSA | 465 |
Co no gh’avè de meggio
Con mi per farve onor,
Tolè1 sto mio conseggio,
No stè a parlar d’amor;
Tegnivelo, godevelo,
Salvevelo2, pettevelo3,
Sior generoso, el cuor.
El cuor val un tesoro.
Lo so che me dirè.
Ma pochi ghe ne xe,
Che sia sinceri.
No sta in te le parole
El merito maggior;
Ghe xe delle cariole4
Che gh’à un bell’esterior;
Tegnivelo, godevelo,
Salvevelo, pettevelo,
Che mi no credo al cuor.
La xe una bella prova
Per dir che se vol5 ben.
Quando che zo se vien6
Coi regaletti.
La xe una cossa equivoca
Sto dir: ve porto amor;
Ma penetra le viscere
Dell’oro el bel splendor.
Tegnivelo, godevelo,
Salvevelo, pettevelo,
Che no ve vedo el cuor.
