 |
Questa pagina è stata trascritta e formattata, ma deve essere riletta. | |
| LUGREZIA ROMANA | 75 |
SCENA IV.
Mirmicaina e Ruscamar.
Provar se saverò far da regina.
Vôi sentarme1 un pochetto. Oh che cussin
Morbido e molesin2! Fin che l’aspetto,
Poderave quassù far un sonnetto.
Ruscamar. Uhi, Mirmicaina, no me cognossir3?
Mirmicaina. Coss’è sta Mirmicaina? Che maniera
Xe questa de parlar? Oe dimme, avemio
E1 cebibo4 magnà forsi in baretta5?
Ruscamar. Perchè star in favor de gran segnure,
Aver tanta superbia? Ti star schiava
Come le altre; mi t’aver ligada;
Mi aver cambia to nome: Mirmicàina
Adesso star, ma prima star Fiorina.
Mirmicaina. Quel che xe sta, xe sta: mi son regina.
Ruscamar. Via, se ti star regina, e mi aver gusto:
Ma se po Albumazar
Te no volesse più,
Recòrdete, mia cara,
Che mi te voler ben, che Ruscamar
So cor per amor to6 sente brusar.
Quel viso tondo
Star cussì caro,
Che in tutto el mondo
Mai più veder.
Star bianca e bella,
Occhio aver moro,
Come una stella
Tanto lusér.
