Pagina:Goldoni - Opere complete, Venezia 1928, XXVI.djvu/301

L'AMANTE CABALA

299

A casa de mia mare.

Alla presenza de do testimoni
Ella ve darà i bezzi; za savè,
L’è una donna suttila come l’oggio¹,
Sempre la gh’à paura che i la bara ².
Filiberto. (Quand’ho preso i denar, vado a Ferrara ³).
Ben, ben, la gh’à rason;
Vago a tor el nodaro e adesso vegno.
(Io cercherò un nodar di bell’ingegno).
Aspettème pur qua.
Catina.   Mi no me parto,
Se stessi fin sta notte.
Filiberto. (Faccio in un giorno sol due belle botte). (parte⁴

SCENA II.

Catina sola.

Dopo tanto aspettar, son arrivada

A trovar un mario,
Onorato, dabben, e da par mio.
Certo al tempo d’adesso
Più no se sa de chi fidarse; tutti,
Tutti i⁵ gh’à qualche vizio,
O el ziogo, o l’osteria, o quel servizio ⁶.
Quando una putta gh’à un poco de dota,
Tutti vorria sposarla,
Coll’idea de magnarla.
Ma mi so el fatto mio, no gh’ò paura
Che i me trappola certo, e benchè sia
Putta de primo pelo,
Son accorta anca mi la parte mia.

1. Scrupolosa, delicata, o anche sofistica: vol. II, 411 e Boerio. Oggio, olio.
2. Che la ingannino.
3. Cioè fuori dello Stato veneziano.
4. Valv. e Tev.: ca.
5. Nelle stampe del Settecento: Tutt’i.
6. Detto volgare: v. Boerio.