 |
Questa pagina è stata trascritta e formattata, ma deve essere riletta. | |
| 298 |
PARTE TERZA.
SCENA PRIMA.
Strada.
Filiberto e Catina.
Catina. Sì, sì, ma tremo ancora dalla rabbia.
No me posso quietar, se no me vendico
Con quella temeraria.
Filiberto. El più bel modo
Per vendicarse è questo.
Quando la saverà che vu sè sposa,
Creperà dal velen quella invidiosa.
Catina. Corro donca a mostrarghe la scrittura.
Filiberto. No, no, fermeve un poco,
No xe gnancora tempo, e vu no sè
Gnancora mia muggier.
Catina. Perchè?
Filiberto. Ghe manca
Una solennità necessarissima,
Che ve sarà ben nota.
Catina. Cossa ghe manca mai?
Filiberto. Manca la dota.
Catina. Eh za, la se gh’intende.
Filiberto. Altr’è che la s’intenda,
Altr’è che la ghe sia.
Questa, colonna mia,
Xe la prima fonzion che far dovemo;
Per el resto tra nu se giusteremo.
Catina. Mo via, trovè el nodaro,
Che ha da far el contratto;
Menémolo in tun tratto
