Pagina:Goldoni - Opere complete, Venezia 1928, XXVI.djvu/292

290

PARTE SECONDA

Quel cordoli, quei recchini¹,

Saria giusto a proposito.
Catina. Compatirne, no fazzo sto sproposito.
Filiberto. Adesso me n’accorzo
Che ben che me volè; povero gramo,
Mi vegno zo alla bona ²,
E vu me minchionè.
Catina.   No, no, xe vero,
Ve vôi tutto el mio ben; ma certo, certo,
Se mi me cavo st’oro,
Dalla desperazion subito muoro.
Filiberto. Eh, quando se vol ben,
No se varda ste cosse; adesso vedo:
Disè quel che volè, più no ve credo.
Catina. Mo via, caro Tonin.
Filiberto.   Lassème star.
Catina. Ti xe l’anema mia.
Filiberto.   Tirève in là.
Catina. Estu in colera?
Filiberto.   Sì.
Catina.   Via, femo pase.
Filiberto. Oh questa, questa sì la me despiase.
  Che bel ben che me volè!
  Me disè:
  Ti xe el mio caro;
  E po quando
  Ve domando
  Una prova dell’amor,
  Gh’avè cuor
  De dir de no?
  Sì, lo so: sè una busiara.
Catina. E no ghe xe remedio de giustarla?
Filiberto. Aggiustarla se puoi,
Se me fe sto servizio.

1. Pronunciasi: recini.
2. Vengo giù, cedo bonariamente, mi abbandono.