 |
Questa pagina è stata trascritta e formattata, ma deve essere riletta. | |
| L'AMANTE CABALA | 289 |
Catina. Son qua, viscere mie, mi son Catina.
Filiberto. Oh cossa vedio mai! Vu sè Catina?
Catina. Sì caro, mi son quella.
Ho (atto sta finzion per descoverzer1
El vostro sentimento:
Adesso stago col mio cuor contento.
Filiberto. In materia de fede
No se trova un par mio.
Catina. Via donca, caro fio2,
Stabilimo ste nozze.
Filiberto. (Or voglio darle
Un bel segno d’affetto). Orsù, sentì:
Vu avè provà el mio amor; l’avè trovà
Costante e pontual. Voggio anca mi
Sperimentar el vostro.
Catina. In che maniera?
Tutto per vu faria;
In tel fuogo per vu me buttaria.
Filiberto. Ho da comprar una partia de panni,
Che me darà un vadagno
De siecento3 ducati; per comprarli
Me manca un po’ de bezzi.
Onde, se vu volessi
Darme un poco d’agiuto, poderessi.
Catina. Ghe lo dirò a mia mare;
Vederemo se ella...
Filiberto. Eh, no gh’è tempo;
Se sta sera no fazzo sto negozio,
Doman xe perso tutto. Se volè
Agiutarme in sto ponto, vu podè.
Catina. Se no gh’ò gnanca un bezzo!
Filiberto. Quei manini,
