Che consuma in le donne el capital;
No voggio andar de mal,
Perchè chi vuol badar a questa e quella,
Presto impara a cantar la faldella1.
Catina. (Sempre più m’inamoro: _
No se puoi far de più; l’è un putto d’oro).
Se parlessi co mi,
No perderessi el tempo;
Mi gh’ò una dota tal,
Che a zonta2 a quel ch’avè, no stare mal.
Filiberto. Eh, la xe vegnua tardi;
Son promesso, la veda.
Catina. Sè promesso?
Filiberto. Patrona sì.
Catina. Con chi?
Filiberto. Con una tal
Siora Catina... Oimè, no m’arrecordo
El so cognome.
Catina. Con Catina Sbrighella?
Filiberto. Credo de sì.
Catina. La xe mia cara amiga.
Filiberto. Oh che putta da ben! Oh che tocchetto3!
Che grazia che la gh’à!
Che zuro in verità,
No lasserave andar siora Catina,
Se credesse de tior una regina.
Ella gh’à bezzi e roba, e se la fusse
Una povera fia,
Tanto el ben che ghe vói, mi ghe vorria.
Catina. (Oh siestu benedio!)
Filiberto. La m’ha promesso
De vegnirme a trovar. Volesse ’l Cielo,
- ↑ Fallisce! vol. II, 417 e Boerio. Si ricordi la musa popolare: Malamani, Il Settec. a Venezia, Torino, 1892, vol. II, p. 62.
- ↑ In aggiunta.
- ↑ Vedi p. 32, n. 5 e vol. XX, 45 ecc.
