Pagina:Goldoni - Opere complete, Venezia 1928, XXVI.djvu/287

L'AMANTE CABALA

285

Questa qua no xe roba da par mio.

Filiberto. Mo perchè? Cossa vorla? La domanda,
Che qua ghe xe de tutto.
Catina. Gh’ho un cavezzo¹ de merli
Fatti sul mio balon²,
Che li ho taggiai in scondon ³de donna mare ⁴,
E se posso, li voggio barattare.
Filiberto. (Perchè io non la conosco,
Una donna si fa da Pelestrina).
Cossa vorla in baratto?
Catina.   Una vestina
Vorria de mezza lana,
Perchè ho d’andar a nozze
De mia cugnà, che stava a Pelestrina,
Che novizza⁵ se fa sotto Marina⁶.
(Oh che gusto che gh’ò, nol me cognosse!)
Filiberto. Via, la me mostra i merli:
Chi sa! se poderemo,
Sto baratto faremo.
Questa è una cossa alfìn de poco prezzo.
Catina. Mare de diana⁷, m’ho scorda el cavezzo.
Filiberto. N’importa; se la vuol,
Ghe fiderò la mezza lana intanto;
Perchè ho da render conto a un mio fradello,
La me lassarà in pegno⁸ (9 un qualche anello.
Catina. (Bravo! cussì me piase,
L’è un putto de giudizio; ma vôi véder
Anca sei xe fedel). Vu sè paron
Dei anei, dei manini⁹,
Del cordoni¹⁰, dei recchini,

1. Scampolo: Patriarchi e Boerio.
2. Tombolo o cuscino per lavorare i merletti (v. Boerio): si ricordi Lucietta nelle Baruffe chlozzotte, vol. XX (e vol. VIII, 114, n. a).
3. Di nascosto.
4. Linguaggio popolare; v. vol. XX, 19. n. d.
5. Promessa sposa.
6. Così il testo. Certo alludesi al villaggio sul lido di Chioggia: vol. XX, p, 20, n. d,
7. Esclamazione volgare: vol. XX, 21, n. h e 82, n. c.
8. Valvasense: impegno,
9. Smanigli: vedi p. 251 e vol. VIII, 121, n. e.
10. Vol. XIII, 333.