Tante che fa paura. El dixe un zorno:
Sì ben, la mia parona fa la casta,
E pur gieri de notte...
Filiberto. Basta, basta.
Catina. Quando vedo ste bronze coverte1,
Propriamente me vien el mio mal.
Benedette ste ciere scoverte
Benedetto quel muso genial!
Quel che varda continuo la terra,
Par che gh’abbia col Cielo una guerra,
E ch’el sia so nemigo mortal.
Filiberto. Sì, sì, la gh’à rason; donca per questo
El so viso genial za m’ha piasesto.
Ma la me fazza grazia,
Cara siora Catina, hala acquistà
Da so sior pare bona eredità?
Catina. Quattro mille ducati de contai
EH m’ha lassà per dota.
Filiberto. \10 (E sono assai).
Via, se la se contenta,
Femose esecutori
Della paterna volontae: la man,
Se la vuol, mi ghe toco.
Catina. Non abbiè tanta pressa 2, adasio un poco.
Alle vostre parole
No me voggio fidar. Voggio saver
Chi sè, dove che stè;
Vôi véder che negozio che gh’avè.
Filiberto. (Quest’è l’imbroglio! A noi).
Sì, sì, la gh’à rason; ma za gh’ò ditto,
Che stago in Marzaria
All’insegna del Gambaro da mar.
La puoi, quando ghe par,
- ↑ Brage sotto la cenere, ossia ipocrite, finte semplici: v. Boerio.
- ↑ Fretta.
