Filiberto. Ella no me cognosse.
Catina. No seguro.
Filiberto. Gnanca se fusse scuro!
No la cognosse Toni,
Marzer de Marzaria1
All’insegna del Gambaro da mar?
Catina. Me par e no me par.
Seu forsi?...
Filiberto. Giusto quello...
Catina. Che m’ha vendù quei merli?...
Filiberto. Giusto quello...
Catina. Che me n’ha robà2 un brazzo?
Filiberto. No son quello.
Catina. Donca no ve cognosso.
Filiberto. Mo via, no la se fazza dalla villa3,
La me varda in la ciera:
Son amigo de casa, e so sior pare
Me voleva un gran ben quando el viveva.
Tonin, el me diseva,
Te voggio mandar; mi gh’ò una fia
Che gh’à nome...
Catina. Catina?
Filiberto. Sì, Catina,
Bona come una pasta,
Beila come una stella.
Catina. Sior sì, sior sì, xe vero, e mi son quella.
Filiberto. Sempre dall’ora in qua
In mente ho conserva
La memoria e ’l respetto
Per so sior pare, e per la fia l’affetto.
Catina. Grazie alla so bontà; se la comanda
Vegnir de su, ghe xe mia siora mare;
- ↑ Merciaio che ha il negozio nella famosa Merceria.
- ↑ Nelle stampe del Settecento: robbà.
- ↑ Farsi dalla villa, farsi nuovo d’una cosa, fare lo gnorri: vol. XII, 477 e XIII 319; e v’ Patriarchi e Boerio.
