Pagina:Goldoni - Opere complete, Venezia 1928, XXVI.djvu/251

LA BOTTEGA DA CAFFÈ

249

Che no se fa cussì.

Zanetto.   Come dovevio
Contegnirme in quel caso?
Narciso. Prima morir, che abbandonar la donna.
Zanetto. E mi mo te respondo,
Piuttosto che la vita,
Vaga pur quante donne ghe xe al mondo.
Narciso. Quel che la vuol; però quella patrona
No la intende cussì.
Zanetto.   Caro Narciso,
Famela giustar ti. Via, co sto patto,
Che se ti me la giusti¹,
Mi te pago un tabarro de scarlatto.
Narciso. Un tabarro? Quaranta ducatelli
Ghe vuol, senza fattura.
Zanetto. So che ti xe perito; (gli dà una borsa
Tiò i quaranta ducati, e fa pulito².
Narciso. Basta, m’inzegnerò.
Zanetto.   Come farastu?
Narciso. Se la sarà crudel, barbara e fiera,
Ghe dirò le parole in sta maniera:

Patrona, el sior Zanetto
     Xe qua tutto pentìo;
     Per ella, poveretto,
     L’è morto, l’è sbasìo³,
     Da senno el fa pietà.
E se la me responde:
     Nol voglio, vada via;
     Dirò: patrona mia,
     L’è troppa crudeltà⁴.

Zanetto. Bravo, bravo, m’impegno.

Narciso. La me aspetta un tantin, che adesso vegno.
(va nel camerino, e torna

1. Edd. Valvas. e Bett.: l’agiusti.
2. Ben bene.
3. Basito: Patriarchi e Boerio.
4. Segue qui, come il solito, nelle stampe più antiche: Patrona, ecc.